Helikopteroan ibiliko gara, astelehenean, 'Faktoria'n

Osakidetzako helikopteroak hamar urte bete ditu. Urte hauetan, 3.000 erreskatetik gora egin ditu, eta egunero ateratzen da Sondikako Osakidetzako larrialdi taldearen egoitzatik, behin edo bitan. Irteera horietako batean izan da Oihane Yustos lankidea, talde horretako profesionalen lana bertatik bertara ezagutzeko, eta asteleheneko 'Faktoria' saioan entzungo dugu erreportajea. Gainera, duela lau urte Bermeon 12 eraikin erre zituen suteak eragindako kalteordainen inguruko epaiketa hasiko den egunean, Gorka Gomezkaltetuarekin hitz egingo dugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. Hasteko, Herri Urratsen balorazioa egingo digute antolaztaileek. 08:30ean, Eguzki Urteaga, Javier Arrieta eta Felipe Juaristi izango ditugu solasaldian. Besteak beste, eskola kirolaz hitz egingo dute. Gipuzkoako Foru Aldundian jarduera hori malgutzeko hartu dituzten erabakien berri emango du Denis Itxaso Kultur eta Kirol diputatuak. 09:30ean, Oihane Yustosek Osakidetzako helikopteroan grabatutako erreportajea ekarriko digu. Saioa amaitzeko, Bernardo Atxagaren tartea izango dugu.

10:00etan, 'Faktoria Magazina' jarriko du martxan Manu Etxezortuk. Hasteko, Bermeoko suteak eragindako kalteordainen epaiketaren atariko, kaltetuetako batekin hitz egingo dugu.  Jarraian, Maysharen tartea izango dugu. Kirol aurrerapenaren ostean, Martin Gartziandia Gasteizko sindikoarekin, eskoletako guettifikazioaz ariko gara.

11:00etako ordua kirol solasaldiarekin hasiko dugu. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. 11:30 aldera, zaldiekin coaching egitea zer den kontatuko digute Bego Aldamizen eta Joseba Muñizek.

12:00etan, Kutxa Ekogunearen tartea zabalduko dugu gero Itsaso Ostolaza eta Marta Epelderekin, bio-eraikuntzaz hitz egiteko. Saioa amaitu aurretik, jakina, Tania Arriagaren tartea izango dugu.

07:00etatik 13:00era, martxan izango dugu 'Faktoria'.