Maite Alonso Hezkuntza sailburuordea, 'Faktoria'n

Ikasturtea hasi berria dugu, eta 'Faktoria'n hari begira jarriko gara asteartean Maite Alonsorekin, Eusko Jaurlaritzaren Hezkuntza sailburuordearekin. Maite Artolak egingo dio elkarrizketa 09:15 aldera.

Saioa, ordea, 07:00etan hasiko da albistegiarekin. 08:00etan, Maite Artolak hartuko du gidaritza, eta, hasteko, Frantziako greba orokor deialdiaz arituko da, batetik, Nerea Reparazekin, EiTBk Paisen duen berriemailearekin, eta, bestetik, Ipar Euskal Herritik zuzenean sartuko den Oihane Yustos lankidearekin. Jarraian, gainera, Niko Cuenca ekonomialariarekin hitz egingo dugu.

08:30ean, egunotako gai nagusiez berriketan izango ditugu Iñaki Galdos, Laura Mintegi eta Javier Diaz Noci solaskideak, besteak beste, Nafarroako gobernu krisia aztertuo dute. Bestalde, Euskal Herriko Bertsolari txapelketa aurkeztuko dute, eta horri ere egingo diogu tartea. Jarraian hitz egingo dugu Maite Alonso Eusko Jaurlaritzako Hezkuntza sailburuorderekin.

10:00etan, Manu Etxezortuk hartuko du lekukoa, magazina martxan jartzeko. Hasteko, Enara Garziak Grezian errefuxiatuekin egoitza autogestionatu batean bizi izandakoak kontatuko dizkigu. ETB1eko 'Ur Handitan' saioaren denboraldi berriaz ariko gara ondoren Xabier Madariaga aurkezlearekin. 'Ekosfera'ren eta kirol tartearen ondoren, 11:00etan, direnez eta ez direnez arituko dira Xabier Amuriza, Karlos Cid eta Nerea Ibarzabal, hilkutxak hizpide hartuta. Jarraian, Karmen Kareaga Urdulizko kultura zinegotziarekin hitz egingo dugu, kale edana egiten duten gazteei buruz hango hezitzaile eta psikologoek egindako ikerketari buruz. 12:00etan, berriz, sukaldari dema izango dugu, eta hegaluzea prestatzeko bi errezeta proposatuko dizkigute Pili Manterolak eta Igor Zalakainek.

13:00ak bitartean izango dugu entzungai 'Faktoria' Euskadi Irratian.