Legebiltzarretik egingo dugu 'Faktoria' albistegia ostegunean

'Faktoria' Legebiltzarretik abiatuko da ostegun honetan, politika orokorreko bilkura dela-eta. Bakartxo Tejeria Legebiltzarreko presidentea eseriko da Euskadi Irratiak jarritako set berezian eta han batuko dira, baita Iñaki Galdos, Laura Mintegi eta Iker Rioja solasakideak ere. Maite Artolak haiekin batera egingo dute politika orokorreko eztabaidak ematen duenaren analisia, baita, Kataluinian hasitako operazio handiari buruzko azken albisteei buruzko jarraipena ere. Magazinean, bestalde, Alzheimerraren Nazioarteko Egunean, Debako 65 urtetik gorako herritarren artean egindako ikerketaren berri emango digute.

07:00etan hasiko da albistegia. 07:50ean, Maite Artolak hartuko du gidaritza, eta 7:55ean, Aingeru Epaltzaren zutabea entzungo dugu. 08:00etan, Niko Cuencaren ekonomia azlapenak entzungo ditugu, eta, 08:30ean, Bakartxo Tejeriaren elkarrizketa izango dugu. Jarraian, solasaldiaren tartea izango dugu. 09:20ean, gainera, Alberto Lopez Basagurenek Konstituzioaren 155. artikuluari buruzko argibideak emango dizkigu, eta, ondoren, solasaldiarekin jarraituko dugu.

10:00etan, Manu Etxezortuk hartuko du gidaritza, magazinari ekiteko. Hasteko, Beatriz Fernandez ariko zaigu gramatika erakargarri egiteaz. Jarraian, Debako 65 urtetik gorako herritarren artean egindako ikerketaren berri emango digute, Ane Iriondo proiektuaren arduradunak, Jose Luis Aranberri ikerketan parte hartu duen boluntarioak eta Imanol Iriondo neurologo klinikoak.

Legebiltzarrean gertatzen ari denaren berri emango digu Axun Arozena lankideak, eta, ordua amaitzeko, Markos Zapiainen filosofia eskola jasoko dugu. 11:00etako kirol aurrerapenaren ondoren, Mikel Chamizok konpositore klasikoak eta zinema uztartuko dizkigu. 11:30 aldera, Albaolako Aprendiztegia bertatik bertara ezagutuko dugu, Xabier Agote Albaolako zuzendaria lagun dugula.

12:00etan, Kattalin Minerren burutazioen txanda izango da, eta, jarraian, Santurcine Santurtziko zinema-jaialdi berria aurkeztuko digu Ainhoa Urgoitiak. 12:30ean, berriz, Amancay Gaztañagaren musika aukeraketa entzungo dugu, urakanei eta lurrikarei lotuta.