Kataluniatik datozen azken berriak, 'Faktoria'n

Ostiral honetan, Kataluniatik datozen azken berriak aztertuko ditu 'Faktoria'n Maite Artolak solaskideekin, eta Martin Aranburu Artur Masen aholkulariarekin. Tonu gertuagokoan, Juan Ignacio Perez Iglesias Zientzia Kulturako Katedrako arduraduna elkarrizketatuko dugu, 09:30etik aurrera. Gainera, Euskadi Irratiak martxan jarriko du Whatsapp bidezko Kopla Txapelketa. Sari potoloa daukagu banatzeko: afaria, hoteleko gaua eta Euskal Herriko Bertsolari Txapelketako finalerako sarrerak. Xabier Sukia gure bertsolari adituak emango ditu xehetasunak. Bestalde, Zuhaitz Gurrutxaga eta Mikel Pagadizabalekin hitz egingo dugu, 'Herri Txiki Infernu Handi' ETB1eko saio arrakastatsuan esperimentu bat egingo dutelako igande honetan: hiri batera joango dira, Donostiara. 'Herry City' jarri diote izena.

07:00etan hasiko da albistegia, Iñigo Alustizak gidatuta. Eguneko berri nagusien errepasoa egin ondoren, 07:50ean, Maite Artolak hartuko du lekukoa. Ordua ixteko, Fabian Laespadaren iritzi tartea entzungo dugu. 08:30ean, solasaldian izango ditugu Hedoi Etxarte, Maite Ubiria eta Javier Arrieta, eta eurekin izango da, Kataluniara begira, Martin Aranburu. 09:30ean hitz egingo dugu Juan Ignacio perez Iglesiasekin.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak. 10:30 aldera, 'Herri City' aurkeztuko digute Zuhaitz Gurrutxagak eta Mikel Pagadik. 11:00etako kirol aurrerapenaren ondoren, Tolosa Goxua ekimenaren baitan, bi tarta banatuko ditugu. Jarraian, oliba bilketaren hasieraren berri emango digute Tuteratik. 11:30 aldera, Ane Muñozen bizitza pasadizoak entzungo ditugu, eta, horren ostean, Xabier Sukia etorriko zaigu Whastapp bidezko Kopla Txapelketa martxan jartzera.

12:00etan, asteburuan 'Amarauna' saioan landuko dituzten gaiak aurreratuko dizkigu Nagore Telleriak. Ondoren, Urdaibai Bird Centerrera joko dugu Edorta Unamunorekin, eta zinema-aretoetan ikusgai izango diren lanen berri ere emango dugu.

07:00etatik 13:00etara, martxan izango da 'Faktoria'.