Angel Oiarbide GEDko bozeramailea eta Jon Maya dantzaria, 'Faktoria'n

Igandean Bizkaiko eta Gipuzkoako 13 herritan egingo diren herri galdeketen eta agintari kataluniarren elkartasunez deitu duten manifestazioaren atariko, Angel Oiarbide Gure Esku Dago dinamikako bozeramailea elkarrizketatuko dugu, ostiralean, 'Faktoria'n. Bestalde, Jon Maya dantzariaren bisita jasoko dugu. Espainiako dantza arloko sari nazionalaren irabazle izendatu berritan eta Etiopiara egindako bidaitik bueltan etorriko da Kukai dantza taldeko zuzendaria. Gainera, Gainera, Gizakia Helburuko Monika Garitano psikologoa eta Iñaki Izquierdo alkohol programako zuzendaria etorriko dira, droga kontsumoaz hitz egitera.

07:00etan hasiko da albistegia, Oihane Yustosek gidatuta. Eguneko berri nagusien errepasoa egin ondoren, 07:50 aldera, Iñigo Alustizak hartuko du lekukoa. Ordua ixteko, Fabian Laespadaren iritzi tartea entzungo dugu. 08:00etan, Niko Cuencaren ekonomia azalpenak entzungo ditugu. 08:30ean, solasaldian izango ditugu Javier Arrieta, Eguzki Urteaga eta Hedoi Etxarte, eta tarte horretan hitz egingo dugu Angel Oiarbiderekin. 09:00etako albiste errepasoaren ostean, suizidioari buruzko I. jardunaldiak izango ditugu hizpide, eta 09:30 aldera, Jon Mayaren bisita jasoko dugu. Ostiraleko saioa Iban Zalduak itxiko du, musikaz, astearen errepasoa eginez.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak. 10:30 aldera, Oneiñ proiektua ezagutuko dugu: 0 kilometroko produktuak, osasun aholkuak eta errezetak txarteldegietan jasotzeko proiektua da. 11:00etako kirol aurrerapenaren ondoren, drogen kontsumoaz hitz egingo dugu Gizakia Helburuko Monika Garitano psikologoarekin eta Iñaki Izquierdo alkohol programako zuzendariakin. 11:30 aldera, Ane Muñozen bizitza pasadizoak entzungo ditugu, eta, horren ostean, Xabier Sukia etorriko zaigu Whastapp bidezko Kopla Txapelketa martxan jartzera.

12:00etan, asteburuan 'Amarauna' saioan landuko dituzten gaiak aurreratuko dizkigu Nagore Telleriak. Ondoren, Urdaibai Bird Centerrera joko dugu Edorta Unamunorekin, eta zinema-aretoetan ikusgai izango diren lanen berri ere emango dugu.

07:00etatik 13:00etara, martxan izango da 'Faktoria'.