Santa Luzia egunean, Urretxuko eta Zumarragako alkateak, 'Faktoria'n

Asteazkena, Santa Luzia eguna da, eta Zumarragako eta Urretxuko alkateak izango ditugu gurekin 'Faktoria' magazinean, euren egun handiaz eta azokaz galdetzeko: Jon Luki eta Mikel Serrano. Bestalde, EiTB Maratoiaren egun handiaren bezperan, iktusa izandakoen senideekin hitz egingo dugu.

07:00etan hasiko da albistegia. 07:55ean, Rosa Martín-Sabarísen iritzi tartea entzungo dugu. 08:30ean, solasaldirako tartean, Mikel Aramendi eta Javier Arrietaarituko dira aktualitatearen analisia egiten. Tarte horretan, Olatz Garamendiarekin, Hezkuntza sailean Administrazio eta Zerbitzu Saileko sailburuordearekin hitz egingo dugu, hezkuntzako grebaren biharamunean. 09:30 aldera, Brexitaren fakturaz ariko zaizkigu Helena Franco eta Beatriz Plaza adituekin. Ordua amaitzeko, Koldo Almandoz zinemagilearen errematea entzungo dugu.

10:00etan abiatuko dugu magazina. Hasteko, Urretxuko eta Zumarragako alkateekin hitz egingo dugu Santa Luzia egunaz, eta, jarraian, Idoia Torregarairen umore printza izango dugu. 10:30ean, Juanjo Sanmiguel lankideak klima aldaketa izango du hizpide. 11:00etako kirol aurrerapenaren ostean, EiTB Maratoiari egingo diogu tartea, eta, 11:30ean, Donostiako Summa Aldapeta ikastetxekoek NASAkoekin izandako solasaldia ere entzungo dugu.

12:00etan, bi akordeoilarirekin ere hitz egin behar dugu. Gorka Hermosa akordeoilari konpositorea Txinatik itzuli berria da; bestalde, Arrasateko Nazioarteko Akordeoi Txapelketa irabazi duen Maria Zubimendi ere gurekin izango da. 12:30ean, berriz, Imanol Ituiñoren magiak liluratuko gaitu.

07:00etatik 13:00etara izango da martxan 'Faktoria'.