Mikel Irizarri hurbileko elkarrizketa, 'Faktoria'n

Gipuzkoako Foru Aldundiko Hizkuntza Berdintasunerako Zuzendaritza utzi berritan etorriko da Mikel Irizar Euskadi Irratiko 'Faktoria'ra ostiralean. Tonu pertsonaleko elkarrizketan, 09:30etatik aurrera arituko da Maite Artolarekin solasean. Magazinean, bestalde, Eusko Jaurlaritzaren 'Berrikuntza 2017' saria irabazi duen Joxe Mari Barriola harakina izango dugu, Errege oparitararako azken orduko proposamenak egingo ditugu eta Bilboko Plaza Barrian Errege Opil solidarioaren prestaketa eta banaketa ikustera hurbilduko gara. Gainera, Gazan erizain lanetan ibili den Aloña Zubizarretarekin hitz egingo dugu

07:00etan hasiko da albistegia, Oihane Yustosek gidatuta. 07:55 aldera, Maite Artolak hartuko du lekukoa, eta Fabian Laespadaren sinadura entzungo dugu. 08:30ean, Javier Arrieta, Hedoi Etxarte eta Maite Ubiria izango ditugu solasaldian, aktualitateari errepasoa egiten. 09:25 aldera, entzuleen tartea zabalduko dugu, eta jarraian izango dugu Mikel Irizarren elkarrizketa.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak. Ondoren, Eusko Jaurlaritzaren 'Berrikuntza 2017' sariduna ezagutuko dugu, Joxe Mari Barriola harakina. 10:30 aldera, Errege oparitararako azken orduko proposamenak egingo ditugu.

11:00etako kirol aurrerapenaren ondoren, Gazan erizain ibili den Aloña Zubizarretarekin hitz egingo dugu. 11:30 aldera, Ane Muñozen bizitza pasadizoak entzungo ditugu, eta, horren ostean, Bilboko Plaza Barrira joko dugu, Errege Opil solidarioa nola prestatzen eta banatzen duten ikustera.

12:00etan, asteburuan 'Amarauna' saioan landuko dituzten gaiak aurreratuko dizkigu Unai Urreagak. Ondoren, Imanol Ituiñoren magiak liluratuko gaitu, eta zinema-aretoetan ikusgai izango diren lanen berri ere emango dugu.

07:00etatik 13:00etara, martxan izango da 'Faktoria'.