Josu Iztueta bidaiariari hurbileko elkarrizketa, 'Faktoria'n

Josu Iztueta bidaiaria izango da ostiral honetako 'Faktoria'ko gonbidatu nagusia. Elkarrizketa lasaian, turismoaz, munduaz eta aktualitateaz hitz egingo dute Maite Artolak eta biek, solasean, 09:30etik aurrera. Gainera, Donald Trump Estatu Batuetako presidentea Etxe Zurira iritsi zela urtea beteko den egunean, Olatz Arrieta eta Mikel Reparaz kazetariekin egingo dugu urteak eman duenaren analisia, tertulian. Ostiral honetan, gainera, iritzigile berria hartuko du Euskadi Irratiko goizeko saio informatiboak. Garbiñe Ubedak osatuko du zortzietako albistegiaren aurreko zutabea. Bestalde, magazinean, Donostiako Hiritar Merezimendu dominak jasoko dituzten pertsona eta elkarteak ezagutuko ditugu.

07:00etan hasiko da albistegia, Oihane Yustosek gidatuta. 07:55 aldera, Maite Artolak hartuko du lekukoa, eta Garbiñe Ubedaren sinadura entzungo dugu. 08:30ean, Javier Arrieta, Hedoi Etxarte eta Eguzki Urteaga izango ditugu solasaldian, aktualitateari errepasoa egiten. 09:10 aldera, Olatz Arrieta eta Mikel Reparaz kazetariekin egingo dugu Donald Trumpen lehen aginte urtearen errepasoa. 09:25ean izango dugu Josu Iztuetaren elkarrizketa, eta, segidan, entzuleen tartea zabalduko dugu.

10:00etan hartuko du lekukoa Manu Etxezortuk. Magazinaren hasieran, astearen prentsa errepasoa egingo digute Jurdan Arretxek eta Mikel Garciak. Ondoren, Donostiako Hiritar Merezimendu dominak jasoko dituzten pertsona eta elkarteak ezagutuko ditugu, Olaia urtiagak egindako erreportajearen bidez.

11:00etako kirol aurrerapenaren ondoren, 100 urte bete dituzte Flora eta Felisa Etxabe ahizpa biki azkoitiarrek, eta Felisaren etxean izango gara; eta kontakizun bizi eta interesgarriak egingo dizkigu. 11:30 aldera, Ane Muñozen bizitza pasadizoak entzungo ditugu.

12:00etan, asteburuan 'Amarauna' saioan landuko dituzten gaiak aurreratuko dizkigu Gari Udabek. Ondoren, zinema-aretoetan ikusgai izango diren lanen berri ere emango dugu.

07:00etatik 13:00etara, martxan izango da 'Faktoria'.