Albisteak
Asteazkenean
Marian Beitialarrangoitia, 'Faktoria'n
ERREDAKZIOA | G.U.
08:30ean izango dugu EHBilduko bozeramailea. Bestalde, Ryszard Kapuscinski kazetaria zena gogoratzeko tartea hartuko dugu, Amaia Remirez zinemagilea hari buruz egiten ari den filmaren harira.
Marian Beitialarrangoitia Espainiako Kongresuan EHBilduk duen diputatu eta bozeramailea izango da asteazken honetan 'Faktoria'ko gonbidatu nagusia. 08:30etatik aurrera erantzungo ditu Maite Artolak egingo dizkion galderak, besteak beste, Guardia Zibilak astearte honetan egin dituen atxiloketei buruzkoak.
07:00etan hasiko da albistegia, Iñigo Alustizak gidatuta. 07:50 aldera, Maite Artolak hartuko du lekukoa, eta Artxandara joko dugu, bertako jolas-parkea eraisten hasiko direlako. Ondoren, Rosa María Martin-Sabarisen iritzi-tartea entzungo dugu. 08:30ean, solasaldirako tartean, elkarrizketatuko dugu Marian Beitialarrangoitia. Solaskideak, berrriz, Mikel Aramendi, Javier Diaz Noci eta Amaia Espinosa izango dira. 09:30 aldera, berriz, ekonomia-tartea zabalduko dugu. Iñaki Lazkanotegi Tecnaliako ikertzailearekin hitz egingo dugu, EARTO Europako elkartearen saria jaso du berak eragin duen Aura teknologiagatik. Gainera, Mondragon Unibertsitate Lander Beloki ere izango dugu gurekin. Ordua amaitzeko, berriz, Koldo Almandoz zinemagilearen errematea entzungo dugu.
10:00etan, Manu Etxezortuk hartuko du lekukoa, magazina abiatzeko. Hasteko, Idoia Torregarai kolaboratzailea oso gai iradokitzaileaz mintzatuko zaigu: “Haserretzen garenean…”. 10:30ean, Gorka Otaegi lankdieak Bio Donostiara bisita egingo du ikasleekin batera, eta Juanjo Sanmiguel lankidea Siriako gerrak 7 urte bete dituela gogoraraziko digu.
11:00etako kirol aurrerapenaren ostean, websailen bidea urratu nahi duten hiru gazte izango ditugu, eta, 11:30ean, berriz, Bilboko Errekaldeko zubipean zeuden etorkinen egungo egoera zein den kontatuko digu Manu Arrue jesuitak. Segidan, Esther Moyuaren liburu gomendioak entzungo ditugu.
12:00etan, Ryszard Kapuscinski kazetaria zena gogoratzeko tartea hartuko dugu, Amaia Remirez zinemagilea hari buruz egiten ari den filmaren harira, eta, 12:30ean, Joseba Kamio publizistarekin hitz egingo dugu, AEBetako hainbat estatutan marihuana legalizatu izanaz.
07:00etatik 13:00etara izango da martxan 'Faktoria'.
