Marian Beitialarrangoitia eta Sagrario Aleman, 'Faktoria'n

Nafarroaren kontrako Hizkuntza Politikaren aurka Iruñean deitu duten manifestazioaren bezperatan etorriko da Sagrario Aleman euskaltzaina 'Faktoria'ra. Euskarari buruz, hizkuntzaren inguruko borroka-lekuaz eta erronkez arituko dira harekin 09:30etik aurrera. Marian Beitialarrangoitia EH Bilduko bozeramailearekin, berriz, PSOEk Madrilgo Kongresuan aurkeztutako zentsura mozioaz ariko gara. Gainera, Karlos Zurutuza Ekialde Hurbileko gatazka guneetan aditu den kazetaria etorriko da gurera, Tierra adentro bere liburuaz hitz egitera, hain zuzen ere, Libiak bizi duen egoera latza kontatzen du bertan.

07:00etan hasiko da saioa, Igotz Alkortaren gidaritzapean. 07:50 aldera,Iñigo Alustizak hartuko du lekukoa, eta Aingeru Epaltzaren sinadura entzungo dugu. 08:00etan, brriz, Niko Cuencaren ekonomia tartea izango dugu, eta 08:30ean, Nerea Azurmendi, Martxelo Otamendi eta Joseba Arruti izango ditugu solasaldian, aktualitateari errepasoa egiten. Tarte horretan hitz egingo dugu Marian Beitialarrangoitiarekin eta 09:30 aldera elkarrizketatuko dugu Sagrario Aleman.

10:00etan, magazina jarriko du martxan Manu Etxezortuk. Hasteko, gramatika erakargarri  egingo digu Beatriz Fernandezek. 10:30ean, Akelarremaniaz ariko gara, eta, jarraian, Filosofiaren historia gaurkotua ekarriko digu Markos Zapiainek.

11:00etako kirol aurrerapenaren ondoren, Mikel Chamizo musika konposatzaile eta kazetariren tartea izango dugu, eta Txinako musika klasikoaz ariko zaigu. 11:30ean, Onintza Enbeitak eta Ana Goitiak ETB1en uda honetarako prestatu duten programa berria aurkeztuko digute..

12:00etan, Karlos Zurutuza Ekialde Hurbileko gatazka guneetan aritzen den kazetaria etorriko zaigu Libiaren egoerari buruz kaleratu duen Tierra adentro liburuaz hitz egitera, eta 12:30ean, berriz, 'Musikaz eta Bizitzaz' ariko zaigu Amancay Gaztañaga.

10:00etatik 13:00etara izango da martxan 'Faktoria'.