Albisteak
Astelehenean
Edurne Ormazabal, Tabakalerako zuzendaria,'Faktoria'n
ERREDAKZIOA | G.U.
Gainera, EHUko Unibertsitatera Sartzeko Ataleko zuzendari Osane Oruetxebarria elkarrizketatuko dugu.
Edurne Ormazabal izango da, astelehen honetako 'Faktoria'ko gonbidatu nagusia. Joan den urtarrilean izendatu zuten Donostiako Tabakalerako zuzendari nagusi eta, hilabete hauek kultur zentroaren diagnostikoa egiten eman ondoren, etorkizunera begira zehaztu dituen lan-lerro eta erronkei buruz arituko da, Maite Artolaren galderei erantzunez, 09:30ean. Bestalde, EHUko Unibertsitatera Sartzeko Ataleko zuzendari Osane Oruetxebarria elkarrizketatuko dugu, Unibertsitatera sartzeko azterketak – lehen selektibitatea zena- zuzentzen dituzten irakasleen lanari buruz berba egiteko.
07:00etan hasiko da albistegia. 07:50 aldera, Maite Artolak hartuko du lekukoa, eta Maddalen Arzallusen sinadura izango da. 08:00etan, Niko Cuencaren ekonomia azalpenak entzungo ditugu eta, 08:30ean, Mikel Aramendi, Ramon Etxezarreta eta Jose Ramon Beloki arituko dira aktualitateari buruzko analisian. 09:30 aldera hitz egingo dugu Edurne Ormazabalekin, eta, albistegia amaitzeko, Bernardo Atxagaren txanda izango da.
10:00etan, Manu Etxezortuk hartuko du magazinaren gidaritza, eta, hasteko, asteburuko kirol emaitza eta gertakizun guztiak aztertuko dituzte Andoni Urbistondok eta Beñat Zarrabeitiak kirol solasaldian. 10:30ean, Osane Oruetxebarriarekin hitz egingo dugu unibertsitatera srtzeko azterketaz.
11:00etako kirol aurrerapenaren ostean toka herri kirola berreskuratu nahian dabiltzan Martzelino Agirre eta Mariaje Olano ezagutuko ditugu, eta, 11:30ean, Irisarriko Quetzal GKEaren lana ezagutu dugu, euren 20. urteurrenean. Gurekin izango den Jean-Pierre Indaburu Guatemalatik itzuli da berriki, hain zuzen ere, Quetzalen bertan dituen hezkuntza proiektuetan lanean.
12:00etan, Kutxa Ekogunea tartea zabalduko dugu ladnare-hesiez hitz egiteko, eta, segidan, eguzkitarako betaurrekoen armazioiak harriz egiten dituen Ixiwood etxeko Endika Zabalarekin hitz egingo dugu. Saioa amaitzeko, Tania Arriagaren 'Harriadak' entzungo ditugu, eta lehiaketa izango dugu.
07:00etatik 13:00etara izango da martxan 'Faktoria'.
