Faktoria
Urtarrilak 19
Politika eta musika nagusi, gaurko ‘Faktoria’n
B.F
EiTB
Gainera, 'Free Otegi Kantuz' ekimenari buruz hitz egingo du Manu Etxezortuk Carlos Cid eta Xabier Amurizarekin.
8:00etan emango diogu hasiera gaurko‘Faktoria’ri, orduz orduko informazio zerbitzuarekin. 8:30ean, ‘Pentsalariak’ solasaldia irekiko dugu, Laura Mintegi, Arantxa Elizondo eta Iñaki Galdosekin.
9:30ean, Iratxe Fresnedak zinemaz hitz egingo digu eta, honez gain, Jose Ramon Aranberria gudaria elkarrizketatuko du Maite Artolak.
10:00etan emango diogu hasiera Faktoria Magazineari, Aritz Galarragaren asteroko kolaborazioarekin. Jarraian,The Uskis taldekoek Ibarrangelu promozionatzeko egindako bideoaz hitz egingo dugu, Miren Aiorekin. 10:30ean, Markos Zapiainen filosofia tarteaz gozatzeko aukera izango dugu.
11:00etan, Donostiako Hiritar Merezimenduaren Domina jasoko duten Olatz Linazisoro, Juan Ojanguren, Edurne Iruin, Antxon Gisasola eta Nerea Peñarekin hitz egiteko aukera izango dugu. Ordu erdi geroago, 11:30ean, 'Free Otegi Kantuz' ekimenari buruz hitz egingo du Manu Etxezortuk Carlos Cid eta Xabier Amurizarekin.
r Amurizarekin.