Etxerik gabekoen inguruko solasaldia, gaurko 'Faktoria'n

8:00etan emango diogu hasiera astearteko ‘Faktoria’ri, orduz orduko informazio zerbitzuarekin. Jarraian, Jose Luis Mendoza Nafarroako hezkuntza kontseilaria izango dugu gurean, euskaraz ikasteko aukera zabaldu duten neurriez mintzatzen.

9:30ean, etxerik gabekoen inguruko mahai ingurua osatuko dugu, Joseba Gaya, Joseba Zalakain eta Itziar Gorostidirekin.

10:00etan Aritz Galarragaren asteroko tartearekin emango diogu hasiera Faktoria magazinari. Jarraian, Laura Irure eta Leire Altadillekin izango gara, ‘Elkartasun ile mataza’ ekimenaz mintzatzen.

11:30ean, Xabier Amuriza eta Carlos Cid izango ditugu solasean, Estatu Batuetan presidentea aukeratzeko hauteskundeen inguruan. 12:00etan, Pili Manterola eta Igor Zalakain sukaldariak izango ditugu gurean, asteroko sukaldari deman. Gaurko honetan, fruta tropikalak izango dira sukaldariek proposatuko dituzten errezetetako protagonistak.

12:30ean, euskaldunok ligatzerakoan erabiltzen ditugun esapideen bilduma egingo dugu Faktoriako ‘Geuskera’ tartean.