Faktoria
Martxoak 23
Bruselako atentatuen ondorioak hizpide, ‘Faktoria’n
Euskadi Irratia
EiTB
Gainera, Pasaiako badiako tiroketaren 32. urteurrenean, bertan hil zuten Dionsio Aizpururen anaia izango dugu gurean.
8:00etan emango diogu hasiera asteazkeneko ‘Faktoria’ri, orduz orduko informazio zerbitzuarekin. Jarraian, Europako Hiriburuek hartu dituzten segurtasun neurriez mintzatuko gara EiTBko nazioarteko berriemaileekin. Tarte berezi honetan, Ane Roteta (Londres), Danel Agirre (Berlin), Andoni Lizeaga (Paris) eta Mikel Arregi (Madril) kazetariekin hitz egingo dugu.
9:00ak aldera, Mikel Ayestaranekin egingo dugu zuzeneko konexioa, Al Kaeda eta Daesh-en inguruan mintzatzeko. 9:30ean, gaia aldatuko dugu, Pasaiako badiako tiroketaren 32.urtemuga izango baitugu hizpide.
10:00etan, Zaindari ikusezina filmaren errodajearekin bat egingo dugu Faktoria Magazinean. Peio Iriarte pelikularen erregidoreak kontatuko dizkigu errodajearen nondik norakoak.
11:00etan, Jabi Saenz Gasteizko Eskubide Sozialen Aldeko Plataformako kidea elkarrizketatuko du Manu Etxezortuk. Homosexuala izateagatik semea etxetik bota duen aitaren kasuaz mintzatuko gara berarekin.
gara berarekin.