Txernobilgo istripuaren 30. urteurrena hizpide, 'Faktoria'n

7:00etan abiatuko da astearteko ‘Faktoria’,  albistegiarekin. 8.00etatik aurrera, aktualitateari lotutako elkarrizketak eta eguneko lerro-buruen analisia izango dugu entzungai.

9:00etan, Espainiako hauteskunde orokorrak aurreratu diren argituko den egunean, Idoia Mendia PSE-EEko idazkari nagusia elkarrizketatuko du Maite Artolak.

Txernobilgo zentral nuklearreko istripuaren 30. urteurrena dela eta, Txernobil aldean hamaika aldiz egon den Ion Llona Greenpeace eta Txernobilgo Haurrak elkarteetako kidearekin izango gara. Gainera, Sveta Shmagailo lekukoaren tesigantza jasoko dugu.

Txernobilgo leherketaz gain, Gernikako bonbardaketaren urteurrena ere bada apirilaren 26a. Gernikako sarraskia gogoratzeaz gain, hilabete batzuk lehenago osatu zen lehen euskal gobernuari buruz mintzatuko gara Iñaki Goiogana historialariarekin, 10:00etatik aurrera.

11:00etan, alkoholismioa gainditzeko borrokan ari diren bi lagunen testigantzak jasoko ditugu.