Saskibaloiak Gasteizen duen presentzia hizpide, ‘Faktoria’n

7:00etan abiatuko da osteguneko  ‘Faktoria’,  albistegiarekin. 8.00etatik aurrera, aktualitateari lotutako elkarrizketak eta eguneko lerro-buruen analisia izango dugu entzungai.

‘Final 4’aren atarian, tarte berezia eskainiko diogu saskibaloiak Gasteizen duen presentziari. Araski taldeko entrenatzailea eta jokalari bat, eta Olabide Ikastolako haurrak elkarrizketatuko ditugu erreportaje berezi honetan.

9:00etan, Lide Amilibia gizarte gaietako sailburuordea elkarrizketatuko dugu, genero indarkeriaren biktimen arretarako telefonoaren urteurrenaren harira.

Magazinean, nazioarteko tartean, Ipar Koreari buruz arituko da Juanjo San Miguel lankidea, 10:15etik aurrera. Gero, 11:30ean, Santimamiñeko aurkikuntzaren mendeurrenaz eta Elorrioko Argiñeta nekropoliko lapurretaz jardungo gara, Andoni Iturbe Bizkaiko Aldundiko ondare zuzendariarekin.