Jose Elorrieta eta A-9ko epaiketari jarraipena, 'Faktoria'n

Jose Elorrieta izango dugu, astelehenean, 'Faktoria' saioan. ELAko idazkari nagusi ohiak argitaratu berri duen liburuaz hitz egingo digu. Bestalde, Bartzelonara begira egongo gara, azaroaren 9ko epaiketa hasiko baita Artur Mas, Joana Ortega eta Irene Rigauren aurka. Eli Zunzunegirekin zuzeneko konexioak egingo ditugu.

07:00etan hasiko da saioa eguneko albiste nagusien errepasoarekin. 08:00etan, Maite Artolak hartuko du 'Albiste Faktoria'ren gidaritza. Hasteko, Bartzelonara joko dugu azken ordukoaren bila. 08:30ean, solasaldian izango dira Iñaki Galdos, Martin Garitano eta Jesus Prieto. Martin Aranburu Catdem fundazioko kidea eta kolaboratzailearekin ere hitz egingo dugu. Eli Zunzunegirekin ere egingo dugu bat 09:30ean, Jose Elorrieta elkarrizketatuko dugu. Saioa amaitu aurretik, gainera, Bernardo Atxagaren sinadura izango dugu.

10:00etan, 'Faktoria Magazina' jarriko du martxan Manu Etxezortuk. Lehen-lehenik, Joseba Kamiok eguzkitako betaurrekoen historia aztertuko digu. Oso produktu exklusibo izatetik, denon begietara pasa dira. Kirol aurrerapenaren ostean, Jon Andoni Duñabeitiak elebidunok nola pentsatzen eta sentitzen dugun ulertzen lagunduko digu.

11:00etako ordua pilota inklusiboaz hitz egiten hasiko dugu Ibai Zubizarretarekin. Jarraian, kirol solasaldiarekin hasiko da. Beñat Zarrabeitiak eta Andoni Urbistondok asteburuko kirol emaitzak eta gertakariak aztertuko dituzte. 11:30ean, Karin Van Der Worp ezagutuko dugu. Holandarra da, eta zazpi hizkuntza dakizk; tartean, euskara. Enpresek hizkuntzarekiko duten jarreraz ikerketa egin du.

12:00etan, Kutxa Ekogunearen tartea zabalduko du Amaia Otazok, lastoarekin nola eraiki daitekeen azaltzeko. Gainera, Magdalai blogaren berri emango digu Maddalen Mendizabalek. Saioa amaitu aurretik, gainera, Tania Arriagaren tartea izango dugu.

07:00etatik 13:00era, martxan izango dugu 'Faktoria'.