Eusko Ikaskuntza lantzen ari den lurraldetasunaren liburu zuria 'Faktoria'n

Euskal Autonomia Erkidegoan zabalik dago estatus politikoaren eztabaida. Aspaldiko kontua eta arlo akademikoan azterketa ugari egin dira. Eusko Ikaskuntzak ehun urte beteko ditu datorren urtean. Hemezortzigarren kongresua egingo dute eta, bertan, besteak beste, Euskal Herriko Lurraldeen Liburu Zuria aurkeztuko du. Mario Zubiaga EHUko Teoria Politikoko irakaslea ari da batzorde zientifiko horretan gidari, eta 'Faktoria'n izango da 09:00etatik aurrera.

07:00etan hasiko da saioa, eguneko albiste nagusien errepasoarekin. 08:00etan, Maite Artolak hartuko du gidaritza. 08:30ean hasiko da solasaldia, Eguzki Urteagarekin, Javier Arrietarekin eta Hedoi Etxarterekin. 09:00etatik aurrera ariko gara Eusko Ikaskuntzaren lurraldetasunaren liburu zuriaz. Jarraina, BECen egiten ari diren Ferroformaren berri emateko, Mario Goffard Marketing zuzendariarekin hitz egingo dugu. 09:45 aldera, asteazkena izanik, tarte berezia eskainiko diogu gaurkotasun ekonomikoari Beatriz Plaza EHUko ekonomia irakaslearekin.

10:00etan, Manu Etxezortuk hartuko du lekukoa. Hasteko, Antzuolara joko dugu, Interneten garaian, mahai jolasetan aritzeko taldea osatu baitute bertan. Joseba Goikoetxeak kontatu digu. Kattalin Minerren tartea izango dugu gero, eta, kirol aurrerapenaren ondoren, Juanjo San Miguel lankideak AEben eta Europaren arteko haremanaz hitz egingo digu.

11:00etan, Joseba Kamio publizistak denda txikiek saltzeko erabiltzen dituzten estrategiak aztertuko ditu. Horren ostean, Txiki azken egunetan egon zen Modelo espetxea eraitsiko dutela kontatuko digu Eli Zunzunegik.

11:30ean, Arantzazu Fernandezekin berriketan arituko gara, graduazio festez eta arropez.

12:00etan, Joselu Anaiak taldeari egingo diogu tartea. Disko berria dute, eta euren letragilearekin hitz egingo dugu. Saioa amaitzeko, Imanol Ituiñoren irrati bidezko magia izango dugu.

07:00etatik 13:00etara izango da martxan 'Faktoria'.