Faktoria
Elikadura nola hobetu?
"Erronka nagusia barazkizaleagoak bilakatzea izango litzateke"
Bittor Rodrigez elikagaien teknologia eta zientzian doktoreak Eusko Jaurlaritzak gure elikadura hobetzeko egindako planari buruz hitz egin du. Egunero 5 barazki eta fruta razio jatea gomendatu du.
-
Elikadura
14:54 min
Eusko Jaurlaritzak “Elikadura osasuntsu baterako ekimenak” plana abiatu du gure kontsumo ohiturak aldatzeko. Bittor Rodrigez elikagaien teknologia eta zientzian doktoreak planean parte hartu du. Aldaketak egitea ez dela erraza azpimarratu du 'Faktoria'n, eguneko 5 razio barazki eta fruta kontsumitzea oinarraizkoa dela defendatu du. Barazkiak edo frutak gure otordu guztietan egon behar direla adierazi du, eta elikagai prozesatuen kontsumoa ahalik eta txikiena izatea oso garrantzitsua dela dio.
Gurasoen inplikazioa oinarrizkoa dela dio Bittor Rodrigezek, euren semeen eredu izan behar dutela azaldu du.
Zurriolako ikastolako haurrekin hitz egin dugu eskolako jangelan zer jatea gustatzen zaien jakiteko eta jangelako arduradunek ere menua nola egiten den azaldu digute.
