Faktoria
Eguneko efemeridea
Duela 58 urte onartu zuten Estatu Batuek Alaska estatu gisa
Estatu Batuetako herrialderik handiena da eta Hawaiirekin batera, AEBko beste estatu batekin muga egiten ez duen bakarra.
-
Alaska, Denali National Park. Argazkia: Pixabay
4:04 min
58 urte atzera egin behar dugu gaurko efemeridean. 1959ko urtarrilaren 3an onartu zuten Estatu batuek Alaska estatu bezala. AEBko herrialderik handiena da, eta Hawaiirekin batera, Estatu Batuetako beste estatu batekin muga egiten ez duen bakarra.
Duela 60 urte sinatu zuen Eisenhower presidenteak Alaska estatu bilakatzeko agiria, eta hilabete batzuk geroago, urtarrilaren 3an, egin zen ekitaldi ofiziala.
Alaskaren historian beste mugarria, 1867. urtea. Errusiako Alejandro II.a zarrak, diru arazoak zituela eta, Estatu Batuei saldu zien Alaska 7 milloi dolarren truke. Orduan, diru asko zen, baina handik gutxira frogatu zen sekulako erosketa egin zutela estatu-batuarrek. Baliabide natural ugari dituen herrialdea baita Alaska: urrea, gasa, petrolioa ...
Alaskara sei bat bidaia egin dituen Josu Iztueta bidaiazaleari laguntza eskatu diogu Alaska ezagutzeko. Lehendabizi, nolakoa den galdetu diogu. Lurralde zoragarria dela esan digu . Denali du izena Estatu Batuetako mendi garaienak, 6.200 metro ditu ia, eta inguruan parke nazionala dago. Alentianako uharteak ere bidaiari guztiek aipatzen dituzte. Aipatu duenez, 10 mila abioi lizentzia daude Alaskan. Esaterako, Juneau hiriburura ezin da errepidez joan, beharrezkoa da hegazkina.
