Faktoria
Maddalen Arzallus
'Gure esku dago'
Erabakitze eskubidea zertarako nahi duen azpimarratu du bertsolariak eta giza katean parte hartu dutenei gogoratu die zer dagoen jada euren esku.
-
2:44 min
'Dena den', esan du Maddalen Arzallusek 'Faktoria'n, erabakitze eskubideaz haratago, guztiok pentsatu beharko genuke zer dagoen benetan gure esku eta zer uzten dugun, hala ere alde batera. Egunerokoan erabiltzen dugun hizkuntza edo gure lurraldeei erreferentzia egiteko erabiltzen ditugun hitzak gure mingainean eta soilik gure mingainean daude. Gure erreferentzia kulturalak gure irakurketetan, entzuten ditugun irratsaioetan eta ikusten ditugun telebista programetan daude. Egia da, paperetan zer jartzen digun ez dugu guztiz guk erabakitzen baina nor garen eta beraz, gure haurrak nor izango diren bai, hori gure esku dago'.
