Faktoria
Ostiralean
Pako Aristi, 'Faktoria'n
Idazlearen hurbileko elkarrizketaz gain, Joseba Tapia izango dugu talde beriarekin egingo duen biraz hizketan.
Pako Aristi idazlea izango da ostiral honetan 'Faktoria'ko gonbidatu nagusia. Rosa itzuli da eleberria argitaratu berritan etorriko da, literaturaz, nobelaz eta nobelan bildu duen euskal gatazkaren ikuspegiaz hitz egiteko, besteak beste. 09:15etik aurrera arituko da solasaldi gertukoan Maite Artolarekin.
Tartea egingo diegu baita ere, bihar hasita saltokietan egingo den janari bilketa handiari, eta patinete elektrikoak erregulatzeko Espainiako Trafiko Zuzendaritzak aurreratu duen arautegiari.
10:00etako albisteen ostean ekingo dio Manu Etxezortuk magazinari. Hasteko, Josu Solera ezagutuko dugu: Gaztela-Mantxakoa sortzez, Madrilen euskara erakusten du. Hizkuntzekiko duen zaletasunak eraman zuen euskara ikastera. 11:15ean, Joseba Tapiak talde berria osatu du, eta herririk herri egingo duen kontzertu-birari buruz hitz egingo dugu berarekin. Jarraian, Filosofiaren historia gaurkotua eskainiko digu Markos Zapiainek.
12:00etan, 'Amarauna' saioak asteburuan ekarriko digunaren errepasoa egingo digu Gari Udabe lankideak, eta bizitzaren musikaz ariko zaigu Joseina Etxeberria.
07:00etatik 13:00etara izango da martxan 'Faktoria'.
