Faktoria
Klima aldaketa. Gazteak
'Gure ardura da etorkizuneko mundua'
Europan klima aldaketaren kontrako neurriak eskatzeko manifestazio jentsuak egiten ari dira ikasle nerabeak. Olatu berde horretaz aritu gara Lauaxeta ikastolako ikasleekin
-
Lauaxeta ikastolako ikasleekin aritu gara Europan ikasle nerabeak eragiten ari diren olatu berdeaz
19:08 min
Ostegun honetan zazpigarren aldiz aterako dira Europan gazteak kalera. Piper egingo dute eskolan eta manifestazio jendetsuetan aldarrikatuko dute, berriz ere, klima aldaketaren kontrako neurri eraginkorrak behar dituela munduak. Agintean den belaunaldiari gogoraziko diote eurek jasoko dutela herentzian utzitako mundua. 'Gurea da etorkizuna', esan digute Iraide, Aitor, Irune Ainara eta Jonek ere. Lauaxeta ikastolako ikasleak dira eta klima aldaketa, euren interesgune nagusien arteko bat.
