'Change The Change' nazioarteko biltzarrean izango gara, 'Faktoria'n

'Change The Change' nazioarteko biltzarra asteazkenean hasiko da Kursaalen eta bertan izango gara 'Faktoria' saioan. Aitor Zulueta Eusko Jaurlaritzako Natur Ondare eta Klima Aldaketa saileko zuzendariarekin hitz egingo dugu, besteak beste.

Gainera, emakumeek itsasoko lanetan duten presentzia aztertuko dugu, Izaskun Suberbiola alturako patroi eta Mater itsasontzi-museoko zuzendariarekin eta Ane Aizpurua Nautika eta Itsas garraioko graduatuarekin. Bestalde, etorkizuneko super-elikagaiak ezagutzera joango gara Hondarribiko Laia jatetxeko Asier Alkalderengana eta Mattin Lerisa Nafarroa Behereko kantari gaztearen lana ezagutuko dugu, Donostiako Koldo Mitxelena kulturunean kontzertua eman bezperan. Gazte naiz gazte bigarren diskoa aurkeztuko digu 19 urteko gazteak.

07:00etatik 13:00etara izango da martxan 'Faktoria'.