Faktoria
Martxoaren 22an
'Margolaria' filma ikusi nahi duzu? 'Faktoria'k gonbidatuko zaitu!
ERREDAKZIOA | G.U.
Aurrestreinaldia egingo dugu Bilboko egoitzan, martxoaren 22an. Protagonistak bertan izango dira, eta Mikel Urdangarinek zuzenean joko du. Streaming bidez emango dugu, eitb.eus-en.
-
'Margolaria' filmaren kartela
Euskadi Irratiak Margolaria filma ikustera gonbidatu nahi zaitu. Martxoaren 22an estreinatuko da Mikel Urdangarin musikariari buruzko filma zinema-aretoetan, baina goizean, 10:30ean, EiTBren Bilboko egoitzako Multibox aretoan egingo dugu aurrestreinaldia. Emanaldi horri lotuta, 'Faktoria' saioaren magazina egoitzaren sarreratik egingo dugu, 10:00etatik 13:00etara, eta bertan izango dira protagonistak, Manu Etxezorturekin eta horren lantaldearekin batera. Gainera, Urdangarinek berak zuzenean joko ditu bertan hainbat kantu.
11:30etik 13:00etara bitartean, saioa streaming bidez izango da ikusgai eitb.eus-en, Euskadi Irratia eta 'Faktoria' atarietan.
Margolaria filma doan ikusi nahi baduzu, eskatu gonbidapena margolaria@eitb.eus helbidean.
Aurrerapen gisa, hementxe duzu pelikularen trailerra:
