Alex Txikoni hurbileko elkarrizketa, ostiraleko 'Faktoria'n

Alex Txikon izango dugu ostiral honetan 'Faktoria'ko gertuko elkarrizketan. 09:30etik aurrera erantzungo die abenturazale lemoarrak Maite Artolaren galderei.

10:00etan hartuko du magazinaren lekukoa Manu Etxezortuk. Hasteko, eutanasiaren eta lagundutako suizidioaren gaia munduan zehar nola dagoen aztertuko dugu Juanjo San Miguel-ekin eta Iñaki Olaizola antropologoarekin. Bestalde, Zukan hirukoaren musika izango da Mikel Chamizo-ren proposamena. Hemen izango ditugu ZUKAN osatzen duten  hirurak: Jon Ansorena, Maria Zubimendi eta Gorka Catediano. Gainera, 'Tronu Dema' telesail ospetsuaren azken denboraldia hasiko da igandetik astelehenerako gauean eta gakoak ulertzeko gida egingo dute, oso zaleak diren gure lankideek: Olaia Urtiagak, Maialen Oterminek eta Tamara Ferrarik. Azkenik, Deustuko eta EHUko ingenieritzakoen arteko estropada mitikoa ere begiz joko dugu.

07:00etatik 13:00etara izango da martxan 'Faktoria'.