Faktoria
Tronu Dema
Galdu ez gaitezen, igandean hasiko den Tronu Demaren inguruko dekagoloa
Esaterako, zein da 'Game Of Thrones'eko Maria Luisa? Cersei! Nor izango litzateke Jose Mari? Jaime, potrolasai bat delako. Daenerys eta Jon Snow faborito nagusiak dira, baina ezin ahaztu Tyrion!
-
Tronu Dema 'Faktoria'n
10:58 min
'Tronu Dema' telesailaren azken denboraldia igande gauean abiatuko da, zortzigarren eta azken denboraldia! Zuetako askok beharbada ez duzue inoiz ikusi eta pentsatuko duzue: zergatik sortzen du horrelako emozioa, horrelako interesa telesail honek? Hori jakin nahi izan dugu, eta horretarako gure taldean dauden zaletuei laguntza eskatu diegu: Tamara Ferrari, Maialen Otermin eta Olaia Urtiagari. Frame bakar bat ikusi gabe, baina igandekoa jarraitu nahi badugu, garaiz gabiltza? Noski!
Kirolean bezala, hemen ere beharrezkoa da zure faboritoa aukeratzea. Talde bat aukeratu beharrean, familia bat aukeratu behar duzu, eta familia horren defendatzaile sutsua bilakatuko zara: futbolean Reala, Athletic, Eibar, Alaves eta Osasuna baditugu, telesail honetan familiak aukeratuko ditugu. Hauek dira aintzat hartu beharrekoak: Starktarrak, Lannistertarrak, Targaryandarrak, Tarlytarrak eta Ibiltari Zuriak ditugu. Familia askoz gehiago daude, baina gehienak hilik daude dagoeneko.
Eta nortzuk dira ibiltari zuriak? Eta zergatik daude denak euren aurka borrokan?
Hori guztia argitu dugu 'Faktoria'n! Gure Instagramen ere ikus gaitzakezu!
