Nafarroako suhiltzaileen erreskate lanak, asteleheneko 'Faktoria'n

Maiatza hastearekin batera, ibilbide berria hasi dute Nafarroako suhiltzaileek: erreskate talde berria estreinatu dute. 'Faktoria'n haiekin elkartu gara Ultzamako Bentan, eta asteleheneko saioan eskainiko dugu han bildutakoekin osatutako erreportajea. 

Horrez gain, hilaren 26ko hauteskundeei eskainitako tartean, Aitzole Araneta elkarrizketatuko du Maite Artolak, Elkarrekin Podemosen Donostiako alkategaia. 08:30ean izango da hori.

 Solasaldian, Iñaki Galdosek, Gaizka Arangurenek eta Jesus Prieto Mendazak parte hartuko dute. Eguneko zutabea, berriz, Nuria Lopez de Guereñuk sinatuko du, 08:00etako albistegiaren aurretik.

10:00etan ekingo dio magazinari Manu Etxezortuk. Hasteko, selektibitatea prestatzeko laguntza klaseak ematea erabaki dute Hondarribiko gaztetxean. Ekimen horri buruz hitz egingo digu  Urko Iridoi Gaztetxeko komunikazio arduradunak. Gainera, heriotzaz hitzaldiak ematen ari den Amaia Gozategirekin dugu hitzordua, eta Sarako Iletegia ezagutuko dugu. Artilea alferrik galdu beharrean, beste erabilpen bat emateko, estalki, jantzi, poltsa eta abarrak egin eta saltzen dituzte. Aitor Zubillaga eta Aña Andiazabal-ek erakutsiko digute euren lana.