Eneko Andueza eta 'proces'a, 'Faktoria'n

Eneko Andueza Alderdi Sozialistaren Gipuzkoako idazkari nagusia izango da asteleheneko elkarrizketa politikoko gonbidatua 'Faktoria'n. 09:00etatik aurrera erantzungo die Maite Artolak hauteskunde osteko akordio elkarrizketei buruz egingo dizkion galderei.

Goizeko 09.30etatik aurrera, buruzagi independentisten aurka Espainiako Auzitegi Gorenean egiten ari diren epaiketaren errepasoa egingo dute, epain zain geratu bezaperatan. Mikel Arregi kazetariak egingo du gako nagusien kontaketa eta, besteak beste, Iñaki Esparza EHUko zuzenbide prozesaleko irakasle-katedradunaren analisia gehituko dute.

10:00etan ekingo dio magazinari Manu Etxezortuk. Hasteko, Irribarria-Urrutikoetxea finalaren biharamunean, bien herrietako alkateak izango ditugu, Jon Ajuria Zaratamokoa eta Asier Mujika Aramakoa. Bestalde, erretzeari uzteko ahaleginean ari diren bi lagunekin ere egin dugu hitzordua. Gabi eta Begoña, Andoaingo Osasun Zentroan ari dira talde terapia batean parte hartzen eta laguntzen ari zaien erizaina Arantxa Mendiluze da. Azkenik, Iñake Irastorza aktorea ere gonbidatu dugu. Azken aldian esku artean dituen proiektuak: Puntu koma webseriea, Obabakoak antzezlana, Agur Etxebeste filma….