Faktoria
Bel Pozueta, EH Bildu
'Inboluzioan murgilduta gaude eta horri aurre egin behar diogu Madrilen'
Bost ordezkari lortua EHBilduk taldea osatuko duen esperantza agertu du eta 'baliabide gehiagorekin indarra handitu egingo' dutela aurrera begira
-
Bel Pozueta
4:26 min
"Urtetan lanean eta borrokan ari den lantaldearen lanari egin dion ekarpenagatik" pozik eta harro agertu da Bel Pozueta, EH Bilduren Nafarroako zerrendaburua eta diputatu hautatua. "Altsasuk eta Nafarroako oso ondo ulertu du", azpimarratu du "Nafarroa subiranista eta ezkertiarra guk ordezkatzen genuela: eskuina edo gu".
Hemendik aurrerako erronka handia dela azaldu du, baina, EHBilduren 5 ordezkariak batuta taldea osatu ahal izango duen esperantza agertu du eta horrek ematen dituen "baliabide gehiagorekin indarra handitu egingo" dutela aurrera begira. Eskuinari aurre egiteko, politika egiteko modu aurrerakoiak babesteko prest daudela esanez amaitu du 'Faktoria'ri hauteskunde biharamonean eskainitako elkarrizketa: "Inboluzio batean gaude, eta horri aurre egin beharko diogu".
