Arnaldo Otegi eta Garazi Hach-Embarek Irizar, 'Faktoria'n

EH Bilduren koordinatzaile nagusi Arnaldo Otegi elkarrizketatuko dugu 'Faktoria'n aste honetako azken elkarrizketa politikoan. 09:00etatik aurrera egingo dizkio Maite Artolak pasa den igandeko hauteskundeei buruzko eta, bereziki, Espainiako gobernagarritasunari buruzko galderak.

09:30etik aurrera, eta oso bestelako tonuan, Garazi Hach-Emabarek Irizar ekarriko dute irratira. Erresuma Batuko Alderdi Laboristaren batzarrean hitzaldi indarrez betekoa egin ondoren eta Madrilen Sahara librearen alde egingo den manifestazioaren bezperan jasoko dugu Garaziren eta bere herriaren berri, gertuko elkarrizketan.

10:00etan ekingo dio magazinari Manu Etxezortuk. Hasteko, Mauritanian futbol talde bateko kirol prestatzailea den Gorka Okarekin hitz egingo dugu. Jarraian, ZIUR: Zibersegurtasun industrialeko Gipuzkoako zentro aurreratua ezagutuko dugu. Markos Zapiainen filosofia merkearen tartean, Freud izango dugu hizpide, eta Mañariako Hontza Museoan izango gara, 30 urte bete dituelako. EHko natur zientzietako museo bakarra da. Nazioarteko tartean, Parisko Bataclaneko atentatuen 4. urteurrena oroitu dugu, eta Big Wave Forumez, berriz, Zuberoa Andres ariko zaigu.

07:00etatik 13:00etara lanean ariko da 'Faktoria'.