Faktoria
Mertxe Aizpurua, EHBildu
'Gurea oso finkoa da, momentu honetan abstentziora goaz'
Mertxe Aizpurua EH Bilduren bozeramailearekin hitz egin dugu Pedro Sanchezen inbestidurarako bigarren bozketaren aurretik.
-
Mertxe Aizpurua, EHBildu
16:01 min
EH Bilduk, ordu honetan, militanteek eman dieten 'abstentziorako aginduari' eusten dio. Mertxe Aizpuruak EH Bilduko diputatuak 'Faktoria' albistegian berretsi du, alderdiko 'oinarriek horrela erabaki dutelako eta hausnarketa politiko baten ondorioz, mahai politikoak proposamen hori egin zuelako' abstentziora joko dutela. EH Bilduk ez du diputatu sozilaisten artean 'boto-aldaketarako arriskurik ikusten', 'edozer gerta liteke baina, pentsatzekoa da PSOEk kontrolatuta izango duela egoera'. Beraz, azken ordutan zabaldu den arren, EH Bilduk abstentzioaren ordez baiezko botoa emango duela, Aizpuruak erantzun du ez dutela aukera horri buruz inorekin hitzegin. 'ez gara sartu elkarrizketatan horri buruz, gurea finkoa da, une honetan abstentziora goaz'. 'Eskuinari ateak ixteko' botoa izango dela, gaineratu du. Dena den, Aizpuruak aitortu du, EH Bildu mahai politikoa elkartuta izango dela gaur eta 'hartu emanetan izango direla, ezustekorik baldin bada, erabakitzeko'.
Irainak
Igandeko saioan, Mertxe Aizpurua hizketan ari zela bere aurka bota ziren irainen aurrean zer egin aztertuko du EH Bilduk baina, horren aurretik, Kongresuko aldizkarian zer jasotzen duten irakkurri nahi du koalizio abertzaleak. Aizpuruaren hitzetan, igandean eskuineko alderdiei ikusitakoak 'antzerkitik ez zuen asko, hemendik aurrera era horrelako giroan jarraituko dutela uste du.
