Alberto Sololuzeren senide bat, gertutik, 'Faktoria'n

Zaldibarko zabortegiaren hondakin azpian desagertuta jarraitzen duen Alberto Sololuzeren iloba, Paulo Alberdi, elkarrizketatuko dugu ostiral honetan, 'Faktoria'n, gertutik. Hondamendia gertatu zenetik 50. eguna beteko denean eskainiko du bere testigantza, 09:30etik aurrera.

10:00etan ekingo diogu magazinari. Hasteko, Idoia Gurrutxaga IES Donostialdeko mediku zuzendariak argituko digu, gauden egoeran, noiz joan behar dugun erietxera eta noiz ez, eta beste gaixotasunik badugu zer egin behar dugu. Ondoren, Idoia Torregaraik jarriko dio egunari umore printza, eta Antxon Gomez basozainarekin hitz egingo dugu kaleetan ikus ditzakegun animaliez. Gainera, Asier Arroita abenturazalearekin hitz egingo dugu, Indian geratu baita harrapatuta (Hong Kongetik Ortuellara zetorren bizikletaz). Gainera, Jesus Blanco ezagutuko dugu, Abuztuaren 31 kaleko bizilaguna, Donostiako etxerik zaharrenean bizi dena.

07:00etatik 13:00etara izango da zabalik "Faktoria".