Faktoria
'Faktoria', asteazkenean
Aurtengo Aste Santu bereziaz, 'Faktoria'n
Felix Azurmendi Azkoitiko erretorearekin eta Aingeru Etxeberria Urdaibaiko zortzi parrokiatako apaizarekin hitz egingo dugu.
-
Durangoko Aste Santuko artxiboko irudi bat
Apartekoa izango da aurtengo Aste Santua eta sekula baino mudu intimoagoan biziko dute garai hau fededunek: meza presentzialik gabe, etxe barruan. Egoera horren berezitasunaz arituko dira asteazken honetako 'Faktoria'n Felix Azurmendi Azkoitiko erretorea eta Aingeru Etxeberria Urdaibaiko zortzi parrokiatako apaiza.
09:30etik aurrera izango da hori, Hedoi Etxarte, Mikel Irizar eta Iker Riojarekin osatuko duten aktualitate solasaldiaren ondoren.
Asteazkenero bezala, Koldo Almandozek jarriko dio zine begirada ‘Faktoria’ri.
10:00etan ekingo diogu magazinari. Hasteko, koronabirusa gainditzear den Itziar Ituño aktorearekin hitz egingo dugu. Jarraian, elikadura kateaz ariko gara Jon Ander Egañarekin eta Mintzanet bidelagun bila dabilela kontatuko digu Cristina Tapiak. 11:00etan, 'Zientzia eta pazientzia' tartea zabalduko dugu Eneko Axpe 'Maisha' eta Uxune Martinezekin, eta Ane Muñozek pelikula klasikoen gomendioak egingo dizkigu. 'Faktoria etxetik' tartean, Yogurinha Borova izango dugu.
07:00etatik 13:00etara izango da zabalik "Faktoria".
