Faktoria
Iker Galartza
'Zirkura etorritako haur guztiak maskararekin ikusi ditut amesgaiztotan'
Konfinamenduaren alde irrigarrienaz aritu da, gertuko elkarrizketan, komedianteen lanaz eta etorkizunari datorren bezala heltzeko duten entrenamenduaz
-
Iker Galartza, etxepeko garajean
32:50 min
"Aizak, Iker!!! Ez dituk umeak barrez ari!", esan omen zion Joseba Usandizagak; eta Iker Galartzak erantzun: "Bai, motel ez al dituk ikusten zein gustora dauden!" eta hortxe esnatu zen aktore eta pailazoa amesgaiztotik: Gure Zirkura joandako haur guztiak aurpegian musukoa edo maskara zutela agertu zitzaizkion. Loaldi horretan ikusitakoa bihurtuko da, akaso, errealitate, "batek daki!". Dakiena da amesgaizto honetatik esnatzen garenean, zirkuak eragiten dituen ametsek beste dimentsio bat izango dutela eta komediante eta artistak zutituko direla. Ohituta daudelako erori eta berriz hasten. Hori dute aldeko. Iker Galartza lehendik ere ohituta dago datorrenari datorren bezala heltzen. Alarma egoera honi ere bai. Alderdirik irrigarrienean azpimarra eginez bizi da bitartean.
Gertuko elkarrizketa gehiago
