Publizitatea
Itxi

2021/03/30

09:54

Faktoria

Kalkulu kuantikoa

Ekonomia joerak aurreikusteko, kalkulu kuantikoa

Jone Larrañaga | EiTB Media

Finantzen arlorako kalkulu kuantikoa baliatzen duen munduko enpresa bakanetakoa da Donostiako 'Multiverse'. Emaitzak hobetu edo iruzurrari aurre egiteko algoritmoak eta softwarea eskaintzen dituzte.

  • Beñat Mencía fisikari doktorea eta Román Orús CEOa, 'Multiserve'-ko Donostiako egoitzan

    Beñat Mencía fisikari doktorea eta Román Orús CEOa, 'Multiserve'-ko Donostiako egoitzan

    9:04 min
  • Whatsapp
  • Whatsapp
  • Telegram
  • Bidali

Donostian dago ekonomiari aplikatutako kalkulu kuantikoan aritzen den munduko enpresa bakarrenetarikoa. Gutxi dira, oso gutxi,  adimen artifiziala eta konputazio kuantikoan ari diren enpresak munduan. Teknologia oso berria da eta aleka daude tankera horretako azterketak egiten dituzten enpresak; are eta gutxiago, kalkulu hori ekonomiara aplikatuta eskaintzen dutenak. 'Multiverse' da horietako bat. Miramongo parke teknologikoan dago. Toronton ere badute bulego bat.

Orain bi urte sortu zen, 13 lagun badira lanean eta milioi eta erdi euroko inbertsioa itxi berri dute. Urtearen amaierarako 10 milioiko inbertsioa lortu nahi lukete eta langile kopurua bikoiztu, urtero.  Bi urteren buruan, 50 langile izateko aurre ikuspena daukate. Beñat Mencía da bertako langileetako bat. EHUn lizentziatua Cambridgen doktoratu zen fisika kuantikoan eta adimen artifizialaren arloan eta Sillycon Valleyn urte batzutan lan egin ondoren itzuli da Euskal Herrira. Errealitatea aurre ikusteko kalkulu kuantikoak ekarriko duen iraultzaz aritu zaigu. Roman Orus enpresako zuzendari zientifikoak kontatu digu hainbat finantza erakunderen bezero karterak eta errentagarritasuna handitzea lortu dutela kalkulu kuantikoa erabilliz eta iruzurraren kontrako borrokan aritzeko lanean ari direla euskal aldundiekin ere.

 

 

  • Bisitatuena

      Kargatzen ikusiena
      Kargatzen ikusiena