Faktoria magazina
Amorebieta Futbol Taldea
Iñigo Orozko: "Ez zegoen nire planetan, baina futbolari profesional izango naiz"
Oihane Egurtza | EITB Media
Ofizioz irakasle eta afizioz futbol jokalari izan da, orain arte, Iñigo Orozko donostiarra. Amorebietarekin Bigarren Mailara igota ordea, bizitza berri bati ekiteko ilusioz beterik dago.
-
Iñigo Orozko
14:18 min
"Txikitatik izan naiz futbolzalea; txikitatik lagunekin playerotan hasi eta gaur arte; baina futbol jokalari profesional izatera iristea ez zegoen nire planetan! Nahastuta nago, ezin sinistuta, izugarria baita lortu duguna". Begiek diz-diz egiten diote oraindik Iñigo Orozkori, joan den asteburuko balentriaz hitz egiten duenean. 28 urterekin iritsi zaio betiko ametsa betetzeko unea: Amorebieta taldearekin Liga Profesionaleko bigarren mailan arituko da heldu den denboraldian.
Oraindik ere Biologia eta Geologia irakasle dabil Andoaingo Leizaran Institutuan, eta hantxe izan da Euskadi Irratiko Faktoria harekin solasean.
