Faktoria
Emakunde saria
Maite Asensio: "Etengabe eraikitzen eta auzitan jartzen doan lan bat da eta hori taldean egiten dugu"
M.S. | EITb Media
Genero ikuspegiaz egindako kazetaritzari egin dio aitortza aurten Emakunde sariak. Sarituen artean da Berria egunkaria eta sari kolektiboaren ordezkari bezala, Maite Asensio kazetariak egin digu bisita "Faktoria"ra.
-
Maite Asensio
18:09 min
Pikara Magazine eta Lucia Martinez Odriozola EHUko informazio zientzien fakultateko irakasle izandakoarekin batera, Berria egunkariarentzat izan da aurtengo Emakunde saria; genero-ikuspegia txertatzen duen emakumeen eta gizonen berdintasunarekin konprometitua dagoen kazetaritzarentzat. Maite Asensio kazetaria izan da "Faktoria"n Berria-ko ordezkari gisa.
Eduki feministak lantzeaz eta enpresa barruko funtzionamendu feministaz aritu zaigu, gaien planteamendua auzitan jartzeaz, kazetaritzaren arduraz, baita profesioa despatriarkalizatzeko beharraz ere.
