Faktoria
Estuasuneko sukaldaritza
Tomatea, Ibarrako piperrak eta hegaluzea erabiliz, plater bikaina ekarri digu Iker Markinezek
Garazi Urdanpilleta | EITb Media
Garaiko produktu erabilienetako hori hartu ditu Iker Markinezek, eta Ormaiztegiko Kuko jatetxean prestatzen duten errezeta azaldu digu.
-
Tomatea, hegaluzea eta piperrak
12:08 min
Garaiko hiru produktu ezagun eta erabilienetakoak dira tomatea, Ibarrako piperrak eta hegaluzea. Iker Markinez sukaldariak, gaurkoan, Ormaiztegiko Kuko jatetxean osagai horiek erabilita prestatzen duten plateraren sekretua kontatu digu "Faktoria"n.
-Tipula julianan moztu, eta olio txorrotada batekin zartaginean goxatu 30-40 minutuz.
-Tomate gorri ale batzuk hartu eta zuritu. Zuritzeko trikimailua: ura irakitzen jarri, tomatea bertara bota ipurdian x bat eginda eta bihotza kenduta. Sartu eta 10 segundora, ur hotzeko ontzi batera pasatu. Xaflatan moztu eta erretilu batean zabalduta jarri.
-Hegaluzea xaflatan moztu (1,5 -2 cm). Zartaginean frijitu, denbora gutxi, barruan kolore arrosa mantenduta.
-Ibarrako piperrak frijitu oliotan. Sukaldeko papera jarri erretilu batean eta bertan utzi pixkatean.
-Tomateari gatz pixka bat bota. Gainean tipula jarri, gainean hegaluzea, eta gainean tomatea.
-Oliozpindu, eta platereratu. Gaineran, Ibarrako piper batzuk jarri gatz pittin batekin.
