Faktoria
Munduaren Akabera
Munduaren akabera (I): Seinaleei adi, hasiera berri baterantz
Mikel Rotaetxe | EITB Media
Planeta kolpean astindu duten krisi eta ekaitzei buruzko lehen atala eskaini dugu Euskadi Irratiko "Faktoria"-n. Garbiñe Manterola Agirrezabalaga (BRTA), Hannot Rodriguez (EHU) eta Ibone Ametzaga Arregi (EHU), gogoeta pausatuan, abian den aldaketa zikloaz. Munduaren akabera dator?
-
Lehortea Guardian
26:44 min
Arnasten hasia da —eta, zenbaitetan, itotzen— gure egunerokoa eta jotzat ematen genituenak dantzan jarri dituen ekaitz perfektua; energia krisia, muturreko fenomeno meteorologikoak, aldaketa demografikoak, hornigai eskasia eta merkataritza-kateen etena.
Asteazkenero, bizi dugun ziklo-aldaketaren ertzei helduko diegu Euskadi Irratiko "Faktoria"-n. Lehen atalean, solaskideak aurkeztu ditugu: Ibone Ametzaga Arregi EHUko UNESCO katedrako koordinatzaile nagusia, Garbiñe Manterola Agirrezabalaga BRTA Basque Research and Technology Alliance partzuergoko transferentzia arduraduna eta Hannot Rodriguez EHUko filosofia irakaslea. Galdetu diegu, uneaz, datorrenaz eta, benetan, munduaren akaberaren atarikoetan ote gauden.
