Faktoria
Ikasturte berria Iparraldean
Kattalin Elizalde kolegioak ateak zabaldu ditu
Jokin Etxebarria
Seaskaren bosgarren kolegioak gaur zabaldu ditu ateak, Senperen, eta momentuz 82 ikasle hartuko ditu. Urtarrilerako, oraindik eraikitzen ari diren Kiroldegia eta gainontzeko espazioak amaituta izatea espero dute.
-
Kattalin Elizalde Kolegioa
6:26 min
Seaskak, kolegio berria estreinatu du gaur, eta Senpereko lakutik 200 metro eskasera egin du gainera. Kattalin Elizalde izena jarri diote, Inkisizioak, sorgin ehizan, preso egindako herriko emakumearen omenez. Sinbolo moduan hartu nahi izan dute.
7 hilabetean ekarri dute gora eraikina eta nahiz eta oraindik dena ez dagoen amaituta, Senpere, Azkaine, Sara, Zuraide, Basusarri, Arrangoitze, Ahetze, Arbona eta Ainhoako 82 ikasle lehen klaseak hasi dira hartzen bertan, dagoeneko. Obrek beste bi fase izango dituzte eta espero dute, urtarrilerako dena amaituta edukitzea, kiroldegi eta guzti.
