cerrar buscador

Receta Express

Barrundiako ekonomatoa
  • 19:41 min
imagen player
imagen player
imagen player
Osagaiak
  • PILI MANTEROLA: babarrun txuri arrozkarak, tipula, piper berdea, piper gorria, goilarakada bat tomate edo piper txorizero eta gazta.
  • IGOR ZALAKAIN: babarrun txuri arrozkarak, barazkiak eta urdaia (salda egiteko), eskarola, ziazerbak, tipula, piper berdea,tomate ale bat, gatza, ozpina, olioa, piper hautsa, gazta eta eztia.
Prestaketa

Barrundiako ekonomatoko Iñakik, bertan dauden produktuetatik, babarrun txuri arrozkara eta Idiazabal gazta hautatu ditu, eta horiek oinarri hartuta, bi errezeta proposatu dituzte Pili Manterola eta Igor Zalakain sukaldariek.

Pili Manterolak babarrun risottoa prestatu du:

Babarrunak egosi.

Sofritoa egin: tipula, piper berdea, piper gorria eta tomate edo piper txorizero goilarakada bat. Horra bota babarrunak, eta guztia goxatu. Zerbitzatzerako orduan, gazta birrindu, eta risotto itxura eman.

Igor Zalakainek entsalada epela proposatu du:

Babarrunak egosi, zenbait barazkirekin eta urdai pixka batekin batera. Ondoren, salda hori gorde beste plater batzutarako erabiltzeko.

Eskarola eta ziazerbak (hosto txkiak) garbitu.

Olio-ozpin berezia egin: piper berdea eta tipula xehetu. Tomatea hartu, zuritu eta haziak kendu. Xehetu eta piperrari eta tipulari erantsi. Horra bota gazta, ozpina, olioa eta piper hautsa.

Eskarola eta ziazerbak nahasi eta olio-ozpina bota. Bertan, babarrun batzuk gehitu (ez gehiegi ere, eskukadatxo bat). Plateraren gainean, gazta zurigailuarekin birrindu. amaitzkeo, ezti goilarakada bat bota.

  • Whatsapp
  • Whatsapp
  • telegram
  • Bidali