Emakumeenganako Indarkeriaren Kontrako Egunean, eskolako ikuspuntua, 'Goiz Kronika'

Larunbatean, Emakumeenganako Indarkeriaren Kontrako Egunaren harira, eskolako ikuspuntua emango dugu 'Goiz Kronika' albistegiko solasaldian. Elkarrizketa egingo diogu Ana Perez Steilaseko ordezkariari, sindikatu horrek plazaratuko duen "Eskola erasorik gabeko espazioa" unitate didaktikoa oinarri hartuta. Nola jorratzen du gaia eskolak? Nola ikuste dute gaia gazteek? Zer gertatzen da gero kalean emakumeenganako indarkeria eguneroko kontua izateko?

Bestalde, Kataluniara begira ere izango gara. ERC eta Junts Per Catalunyak bederatzi puntuko akordioa sinatu dute, alde bakarreko bidea baztertuta. CUPk alde bakarretik jotzea proposatzen du. Hori guztia aztertuko dugu. Gainera, igandean, Mikel Zabaltzaren kasua oroituko dugu.

Larunbatean, 07:00etan hasiko da albistegia, eguneko berri nagusien errepasoarekin. 08:00etan hasiko da albistegi nagusia. 08:30ean, solasaldian izango dira Felix Arrieta eta Jexux Mari Mujika.

Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta, jarraian, Mikel Zabalza gogoratzeko Orbaizetan egingo duten omenaldiaz ariko gara. 32 urte dira Guardia Zibilaren esku atxilotuta zegoela, Bidasoan hilda agertu zela.  Gogoan hartzeko izenak liburuaren egielarekin, Joseba Zabalzarekin hitz egingo dugu. Ondoren, erreportajeen tartea izango dugu.