Goiz kronika asteburua
Asteburuan
Euskal Eskola Publikoaren festa eta Ibone Ametzaga EHUko ikerlaria, 'Goiz Kronika'n
Larunbateko solasaldian, Begoña Errazti eta Jexux Mari Mujika izango ditu bidelagun Joxe Juan Ugaldek, Pedro Sanchezen gobernuaz eta Katalunian Quim Torraren karguaren zinaz aritzeko.
Asteburu honetan, EHIGEko koordinatzaile Lurdes Imaz elkarrizketatuko du Joxe Juan Ugaldek 'Goiz Kronika'n, Lekeition egingo duten Euskal Eskola Publikoaren festaz. Bestalde, Ibone Ametzaga EHUko irakasle eta ikerlaria eta UNESCO Katedrako kidearekin ere hitz egingo dugu. Larunbateko solasaldian, gainera, Begoña Errazti eta Jexux Mari Mujika izango ditu bidelagun Joxe Juan Ugaldek, eta Pedro Sanchezen gobernuaz eta Katalunian Quim Torraren kontseilariek egingo duten karguaren zinaz aritzeko.
Larunbatean, 07:00etan hasiko da albistegia, 08:00etan abiatuko da albistegi nagusia, eta 08:30ean solasaldian izango dira Begoña Errazti eta Jexux Mari Mujika.
Igandean, 07:00etan eta 08:00etan izango dira albistegiak. 08:00etan, Lurdes Imaz EHIGEko koordinatzailearekin hitz egingo dugu Euskal Eskola Publikoaren festaren atariko. 09:00etan, berriz, albiste nagusien errepasoa egingo dugu, eta Ibone Ametzaga EHUko irakasle eta ikerlaria eta UNESCO Katedrako kidea elkarrizketatuko dugu. Jarraian, erreportajeen tartea izango dugu.
