Goiz kronika asteburua
Goiz Kronika, asteburuan
Aitor Zabaleta gogoan eta txaleko horien protesta 'Goiz Kronika'n
Larunbateko solasaldian, Mikel Izagirre eta Jexux Mari Mujika izango ditu bidelagun Joxe Juan Ugaldek, eta txaleko horiez, aurrekontuez eta Andaluziako hauteskundeen ondorenaz eta Voxez ariko dira.
Txaleko horiek Frantziako estatuan egin duten protesta deialdiaz ariko gara eta Aitor Zabaleta realzalea hil zutela 20 urte bete direla oroituko dugu asteburu honetan 'Goiz Kronika' albistegian. Solasaldian, Mikel Izagirre eta Jexux Mari Mujika izango ditu bidelagun Joxe Juan Ugaldek, eta txaleko horiez, Jaurlaritzaren eta Espainiako gobernuaren aurrekontuez eta Andaluziako hauteskundeen ondorenaz eta Vox fenomenoaz ariko dira.
Larunbatean, 07:00etan hasiko da albistegia, 08:00etan abiatuko da albistegi nagusia eta 08:30ean arituko dira solasean Mikel Izagirre eta Jexux Mari Mujika.
Igandean, 07:00etan eta 08:00etan izango dira albistegiak. 09:00etan, berriz, erreportajeak eta zientzia eta teknologiari lotutako gaiak izango ditugu.
