Goiz kronika asteburua
Goiz Kronika, asteburuan
Angel Oiarbideri elkarrizketa, 'Goiz Kronika'n
Larunbateko solasaldian, Idurre Eskisabel eta Eneko Bidegain izango ditu bidelagun Joxe Juan Ugaldek hauteskundeez, Kataluniaz, sexu erasoen salaketez eta Seaskaren 50. urteurrenaz aritzeko.
-
Angel Oiarbide. Artxiboko irudia
Igandean, Angel Oiarbide (Gure Esku Dago) elkarrizketatuko dugu 'Goiz Kronika' saioan, Donostian Kataluniako buruzagi sozialen eta politikoen kontrako epaiketa salatzeko egingo duten manifestazioaz. Aurretik, larunbatean, berriz, Idurre Eskisabel eta Eneko Bidegain ariko dira solasaldian Joxe Juan Ugalderekin, Pedro Sanchezek iragarritako hauteskunde aurrerapenaz, Kataluniako buruzagien kontrako epaiketaz, Hego Euskal Herrian sexu erasoen salaketek gora egin izanaz eta Seaskaren 50. urteurrenari lotuta Miarritzen egingo den musika jaialdiaz.
Larunbatean, 07:00etan hasiko da albistegia, 08:00etan abiatuko da albistegi nagusia eta 08:30ean arituko dira solasean Idurre Eskisabel eta Eneko Bidegain.
Igandean, 07:00etan eta 08:00etan izango dira albistegiak; 08:00etan elkarrizketatuko dugu Angel Oiarbide, eta 09:00etan, berriz, erreportajeak eta zientzia eta teknologiari lotutako gaiak izango ditugu.
