Goiz kronika asteburua
GuraSOS
"Arkaitz Errekan ehunka arrain hil dituen isuria istripu kimiko larria izan da"
EUSKADI IRRATIA
Amoniako isuria dela eta, gezurretan aritzea leporatu die GuraSOS elkarteko kideek Zubietako erraustegiko arduradunei.
-
Arkaitz Errekan, joan den astean, hilda agertutako arrainak.
7:49 min
Joseba Belaustegi GuraSOS elkarteko bozeramaileak "arduragabekeria" egotzi die erakundeetako agintariei. Duela astebete Zubietako Arkaitz Errekan ehunka arrain hilda agertu ziren, eta aste honetan GHK Gipuzkoako Hondakinen Kontsorzioak zigor espedientea zabaldu dio erraustegia kudeatzen duen Ekondakin enpresari, honek kamioi zisterna batek plantaren ondoko errekara amoniakoa isuri zuela aitortu ostean.
Belaustegiren arabera, "ezinezkoa" da halako isuririk gertatzea, substantzia arriskutsuen manipulazioa gune berezietan egiten delako eta bertan isuririk gertatuz gero, estoldek jaso eta ur zirkuitu itxira bideratzen dutelako. Horregatik, bai enpresa eta bai GHK "gezurretan" ari direla dio.
Ikerketa abiatzeko trabak jarri zirela salatu du, gainera, Belaustegik. URA agentziako ikuskatzaile bati eta basozain bati Zubietako erraustegiko arduradunek ez zietela intalazioetara sartzen utzi adierazi du, eta, ondorioz, ezin izan zela lehen uneko ikerketa burutu.
GHKak Ekondakin enpresari zabaldu dion zigor espedienteari ibilbide laburra ikusten dio edonola ere, Jose Ignacio Asensio Gipuzkoako ingurumen diputatua bera delako URA agentziaren administradore eta GHKko presidentea.
Gaur bizklatzearen nazioarteko eguna da, eta Gurasos elkartetik ohartarazi dute erraustegiak ekonomia zirkularraren aurkako erremintak direla.
