Itxi

Efemerideak

Apirilak 24

Elgeta, Molaren tropen gerra trofeo bihurtu zenekoa

Igotz Alkorta | EITb Media

Intxortako fronteak hilabeteetan eutsi zion Molaren tropa faxisten erasoari. 1937ko apirilaren 24an hartu zuten frankistek Elgeta, hilketak eta bortxaketak izan ziren lehen ordu horietako mendekua. Duela 85 urteko pasarte gogor hori gogoratu dugu Intxorta kultur elkartelko Juan Ramon Garairekin.

  • Intxortako frontea

    Intxortako frontea

    4:15 min
imagen player
imagen player
imagen player

Anttoni Telleria izena ezezaguna izango da gutako gehienontzat. Bere kasua ikono bat da ordea, Elgetan 1937ko apirilaren 24an hasi eta hurrengo orduetan bizi izan zena ulertzeko. 14 urte zituen Anttonik. Soldadu frankistak bere etxean sartu eta aita hil eta ama larri zauritu ostean bortxatu egin zuten behin eta berriz. Ama ondoren hartan hil zen. Juan Ramon Garai Intxorta kultur elkartekoak azpimarratzen duenez Molaren tropek Elgetan sartu izana ospatzeko modua izan zen, bi aldiz porrot egin baitzuten saiakera horretan. 37 elgetar hil zituzten egun horietan.

Intxortako frontean, berriz, 232 gudari eta miliziano hil ziren eta ehunka faxista. Txikiak erraldoiaren kontra egindako borroka latz eta luzea izan zen, hilabeteetan eutsi zieten. "Arma oso gutxi zituzten milizano eta gudariek. Hegazkin bat bera ere ez zuten eta faxismoak Aviazione Legionaria, Legion Condor, mairuak..." azaldu du Garaik. Xehetasun gehiago, efemeridean.