Hiri Gorrian
SounTrackFest
Gorka Oteiza: 'Soinu bandak zuzenean non entzun proposatzen dut"'
Gorka Oteiza galdakoztarrak soinu bandetan espezializatuta dagoen SoundTrackFest web orria sortu eta kudeatzen du. Mundu mailan, bere sektorean, hirugarren jarraituena da.
-
Gorka Oteiza eta Joseba Beristain
24:55 min
SoundTrackFest web orrian, batetik soinu bandak zuzenean interpretatzen dituzten kontzertuen agenda osatzen du Gorka Oteizak; eta bestetik, konposatzaileei egiten dizkien elkarrizketak biltzen ditu.
Alexandre Desplat La Forma del Agua filmagatik oskarra irabazi zuen konposatzailea, Stephen Warbeck Shakespeare in Love pelikularako musikarekin oskarra eskuratu zuena eta Rachel Portman oskar saritua elkarrizketatu ditu, besteak beste.
Elkarrizketa bereziena Lalo Schifrin Mision Imposible-ko soinu bandaren egileari eginikoa izan dela adierazi du Gorka Oteizak. Telefonoz ordubete aritu ziren hizketan. Schifrin bere Los Angeleseko etxetik, aurrez Groucho Marx-ena izan zen etxe beretik.
Joseba Beristain musika konposatzaileak ekarri digu Gorka Oteiza 'Hiri Gorria'n saiora. Lagun eta lankideak ere badira. Josebak Gorkaren web orria asko kontsultatzen du, eta Gorkak Joseba elkarrizketatu du bere web orrirako. Hori da heuren elkar-puntuetako bat.
