'Hiri Gorrian' berezia, ostiralean, Gernikako Astratik!

Ostiral honetan, musika jaialdien denboraldiaren irekiera ofiziala egingo dugu 'Hiri Gorrian'. Horretarako, saioa estudiotik atera, eta Gernikako Astran egingo dugu, Lekuek jaialdirako jarrita egongo den oholtzatik. Leku bat gehiago izango gara, eta guztiok zaudete gonbidatuta saioa bertatik bertara ikustera.

Zuzeneko musika izango dugu, Dekot eta Belatz taldeekin. Maruriko Dekot taldeak Demak diskoko hainbat kantu joko dizkigu eta Gernikako Belatzek, berriz, Denboraren Esklabu Epko abestiak aurkeztuko ditu. Kolaboratzaileak, gonbidatu bereziak eta bestelako ezustekoak ere izango ditugu martxoaren 15eko saio berezian.